សមត្ថកិច្ច ឃាត់ខ្លួនជនជាតិកូរ៉េខាងត្បូង លួចស្នាក់នៅខុសច្បាប់
01-October-2019 | ដោយ ពលមនសិការ
សៀមរាប៖ នាវេលាម៉ោងប្រហែល១២នឹង៣០នាទី ថ្ងៃទី ៣០ ខែកញ្ញា ឆ្នាំ២០១៩ កម្លាំងការិយាល័យស៊ើបអង្កេតនិងអនុវត្តនីតិវិធី ចុះទៅចំណុចហាងកាហ្វេ ប្ល៊ូមូន ស្ថិតនៅភូមិគ្រួស សង្កាត់ស្វាយដង្គំ ក្រុង/ខេត្តសៀមរាប អញ្ជើញជនបរទេសម្នាក់មកសាកសួរនៅការិយាល័យពាក់ព័ន្ធនឹងករណីលួចស្នាក់នៅខុសច្បាប់។
ជនបរទេសរូបនេះឈ្មោះ LEE MOONGYOO ភេទប្រុស កើតថ្ងៃទី២២ ខែតុលា ឆ្នាំ១៩៦៥ ជនជាតិកូរ៉េខាងត្បូង កាន់លិខិតឆ្លងដែនថតចម្លងលេខ JJ០៤៤៩៥២២ ផុតសុពលភាពថ្ងៃទី ២៦-០៣-២០១៨ មុខរបរគ្មាន ស្នាក់នៅផ្ទះជួលលេខA៨១ បុរីអង្គរផាលេស ភូមិគ្រួស សង្កាត់ស្វាយដង្គំ ក្រុង/ខេត្តសៀមរាប។
ក្នុងពេលកំពុងសាកសួរជនបរទេសរូបនេះមានអាក្ការៈមិនស្រួលខ្លួន សមត្ថកិច្ចយើងក៏បានបញ្ជូនទៅពិនិត្យព្យាបាលនៅមន្ទីរពេទ្យរស្មីអង្គរ។ តាមការពិនិត្យរបស់នាយកដ្ឋានជនបរទេសមិនមែនអន្តោប្រវេសន៍ និងបច្ចេកវិទ្យា បានឲ្យដឹងថា ទិដ្ឋាការស្នាក់នៅរបស់ជនបរទេសរូបនេះបានផុតសុពលភាពតាំងពីថ្ងៃទី១៦ ខែតុលា ឆ្នាំ២០១៧ រហូតដល់សព្វថ្ងៃ។
បច្ចុប្បន្នជនបរទេសរូបនេះកំពុងសម្រាកព្យាបាលនៅមន្ទីរពេទ្យរស្មីអង្គរនឹងបន្តបញ្ជូនទៅស្នាក់ការត្រៀមបណ្តេញចេញប្រចាំខេត្តសៀមរាបចាត់ការបន្តតាមនីតិវិធី(ពេលដែលស្ថានភាពជំងឺមានលក្ខណៈល្អប្រសើរ) ៕
ចំនួនអ្នកទស្សនា
- ថ្ងៃនេះ11661
- ម្សិលមិញ20231
- សប្តាហ៍នេះ90741
- ខែនេះ112621
- ឆ្នាំនេះ112621
- សរុប20555077